Hacı Şahin Həsənli gənc fəallarla görüş keçirib

“Mənəvi Dünya” İctimai Birliyinin təşəbbüsü ilə gənclərin maariflənməsi və xeyriyyəçilik işlərinə cəlb edilməsi istiqamətində yeni layihəyə start verilib.

Ahlibeyt.az-ın verdiyi xəbərə görə,birlikdən islam.az-a verilən məlumatda bildirilir ki,iyunun 16-da “Mənəvi Dünya” İctimai Birliyinin sədri, “Məşədi Dadaş” məscidinin axundu Hacı Şahin Həsənli fəal gənclərlə görüş zamanı bu barədə məlumat verib. Görüş zamanı gənclərimizin ictimai həyatı ilə bağlı suallar cavablandırılıb, təkliflər dinlənilib, problemlər birgə müzakirə olunub.

Qeyd edək ki, layihə çərçivəsində “Məşədi Dadaş” məscidi nəznində  fəaliyyətə başlayan tədris mərkəzində treninq,dil kursları,habelə humanitar fənnlərin təmənnasız tədrisi nəzərdə tutulub. Bundan əlavə, müqəddəs Ramazan ayı boyunca və bayramlarda silsilə xeyriyyə tədbirləri keçiriləcək. Gənclərin xeyriyyəçilik fəaliyyətinə cəlb edilməsi yönündə iş aparılacaq. Layihənin əsas məqsədi gənclərimizə özünüifadə, vaxtın tənzimlənməsi, xeyriyyəçilik potensialını daha effektiv şəkildə gerçəkləşməsi, müasir dövrdə tələb olunan biliklərin əldə olunması, bacarıqların səmərəli istifadəsi sahələrində yardım etməkdir.