İlk Avropa Oyunları Azərbaycanda keçirilməsinə münasibət bildirən Qarabağ Seyid Ocaqlarının təmsilçisi Seyid Camal Əzimbəylinin sözlərinə görə,"Xaricdən gələn qonaqları müqəddəs məkanlar, pirlər, seyid ocaqları ilə tanış etmk lazımdır".

Ahlibeyt,az-ın məlumatına görə,Qarabağ Seyid Ocaqlarının təmsilçisi Seyid Camal Əzimbəyli Bakı-xeber.com-a müsahibə verərək bildirib ki,Oyunların böyük faydası ola bilər.

S.C. Əzimbəyli qeyd edib ki, "Müqəddəs məkanlarla yanaşı, Qarabağ həqiqətlərinin gələnlərə tanıdılmasına ehtiyac var. Könüllülər qrupu bunu nəzərə almalıdır. Azərbaycanda əsrlərdir milli, dini tolerantlığın qorunub saxlanmasında müqəddəs məkanların, orada uyuyan övliyaların, əhli-beyt mənsublarının müstəsna xidmətləri var. Ona görə də indiki ərəfədə, qloballaşma şəraitində həmin məkanların xaricilərə tanıdılması vacibdir. Xaricdən gələnləri müqəddəs məkanlar, pirlər, seyid ocaqları ilə tanış etmək lazımdır. Mirmövsüm Ağa ziyarətgahına onların getməsini təşkil etmək olar. Bu, müsəlman ümmətinin tanıdılmasına xidmət edir. Ona görə də gələnlərin müqəddəs məkanlarla tanış edilməsi çox gözəl təşəbbüsdür. Hesab edirəm ki, Birinci Avropa Oyunları bunda müəyyən rol oynayacaq".