Bundan sonra xarici ölkələrdə yerləşən ziyarətgahlara turlar nəzərdə tutan turizm fəaliyyətinə xüsusi razılığın (lisenziyanın) rəsmiləşdirilməsi məqsədi ilə Dini Qurumlarla İş Üzrə Dövlət Komitəsinin rəyi tələb olunacaq.

Ahlibeyt.az-ın Trend-ə istinadən verdiyi xəbərə görə, Azərbaycanda ziyarət turları təşkil edən turizm fəaliyyəti görən şəxslər haqqında yeni qərar verilib. Belə ki,  Nazirlər Kabinetinin qərarına əsasən, “Fəaliyyət növlərinin xüsusiyyətindən asılı olaraq xüsusi razılıq (lisenziya) verilməsi üçün tələb olunan əlavə şərtlər”ə 22.4-cü bənd əlavə edilib.

Nazirlər Kabinetinin yeni qərarında qeyd edilən 22.4-cü bəndə əsasən, bundan sonra xarici ölkələrdə yerləşən ziyarətgahlara turlar nəzərdə tutan turizm fəaliyyətinə xüsusi razılığın (lisenziyanın) rəsmiləşdirilməsi məqsədi ilə Azərbaycan Respublikasının Dini Qurumlarla İş üzrə Dövlət Komitəsinin rəyi tələb olunacaq.