Bakıda növbəti Quran Gecəsi keçirilib

Bakıdakı Hacı Cavad Məscidində növbəti Quran Gecəsi keçirilib.

Ahlibeyt.az-ın Salamnews-a istinadən verdiyi xəbərə görə, mərasimdə tanınmış Quran qariləri, ziyalılar, o cümlədən ilahiyyatçı-alimlər iştirak ediblər.

Mərasimdə çıxış edən məscidin axundu,ilahiyyatçı alim Əhliman Rüstəmov bildirib ki, Quran bəşəriyyətin axirət və dünya həyatının xoşbəxtliyini təmin edən əbədi ilahi qanundur. Onun ayələri hidayət, bəyan etdiyi hər bir ifadə isə rəhmət və səadət mənbəyidir. Quran ayələrinin dərin mənalarını dərk etməyə çalışan oxucu ondan vəsfolunmaz ləzzət alır. Nəticədə qəlbi nurlanır və mənəvi paklığa nail olur.

Ə.Rüstəmov bundan sonra da Hacı Cavad Məscidində belə mərasimlərin keçiriləcəyini bildirib.