Hörmətli müsəlmanlar

Müqəddəs üç aya (Rəcəb, Şaban və Ramazan) qədəm qoymağımız münasibətilə "islam.az" portalı Dini Araşdırmalar Mərkəzinin dəstəyi ilə mayın 2-də - həzrət Əlinin (ə) mövludu günündə iki hissədən ibarət “Ramazana doğru” adlı tədbir təşkil edəcək.

Ahlibeyt.az-ın məlumatına görə, tədbirin birinci hissəsində Azərbaycanın tanınmış ilahiyyatçıları Hacı Şahin Həsənli, Natiq Rəhimov, Mirmehdi Darafərin, Nurlan Məmmədzadə və "islam.az" portalının redaksiya heyəti Rəcəb, Şaban və Ramazan aylarının fəzilətləri, əməlləri və xüsusiyyətləri, ümmətin müasir vəziyyəti barədə çıxış edəcəklər, qonaqların sualları cavablandırılacaq.

Çay süfrəsi ətrafında kiçik fasilədən sonra canlı ifada ilahilər dinləniləcək.

Tədbir may ayının 2-də saat 11:00-da Gəncliyə Yardım Fondunun akt zalında keçiriləcək.

Giriş qeydiyyat və ya xüsusi dəvətnamələrlədir.

Dəvətnamələri (055) 606 47 28  və (070) 686 01 33 nömrəli telefonlarla əlaqə saxlayaraq əldə edə bilərsiniz.