Qafqaz Müsəlmanları İdrasəinin (QMİ) sədr müavini, Bakı İslam Universitetinin (BİU) rektoru Hacı Sabir Həsənəli Bakıda yeni inşa edilmiş “Heydər məscidi”nin sədri təyin edilib.

Ahlibeyt.az-ın verdiyi xəbərə görə contact.az-ın Turan agentliyinə istinadən verdiyi məlumatda bildirilir ki,adı çəkilən məscid Bakı Şəhər İcra Hakimiyyətinin tabelyində olduğu üçün bu təyinatı QMİ yox, məhz şəhər meriyası edib.

Məlumata görə,məscidlə bağlı təfərrüatlardan biri də budur ki, məsciddə daimi fəaliyyət göstərən dini icma olmayacaq.Məscidlərin dini icmalar tərəfindən idarə olunması nəzərə alınarsa o zaman "Heydər məscidi" dini icması olmayan ilk məscid olacaq.İcma olmadığı halda məscid həyatının necə idarə ediləcəyi naməlum qalır.Məsciddə ibadətə axund və müftilərin növbə ilə başçılıq edəcəkləri bildirilir.

Eyni zamanda qeyd olunur ki,məscidin bütün vaxtlar üçün ibadətə açıq olub-olmayacağı da hələlik bəlli deyil.

Bildirək ki, “Heydər” məscidi”nin tikintisinə 2012-ci ildə başlanılıb və 2014-cü ildə tikintisi başa çatıb. Dekabrın 26-da məscidin açılışı olub.