Beynəlxalq koalisiya üzvləri ilə birlikdə ekstremizmə son qoymağa, terrorçuluğun kökünü kəsməyə və İŞİD-i məhv etməyə yönəlmiş planlarımızı nəzərdən keçiririk. Ordu və təhlükəsizlik qüvvələrimiz planlar hazırlayır. Həmin planları ən uyğun vaxtda açıqlayacağıq. İordaniyanın İŞİD-in son addımına cavabı bütün dünyaya səs salacaq."

Ahlibeyt.az-ın salamnews-a istinadən verdiyi xəbərə görə,Al-Jazeera agentliyinin məlumatıda bildirilir ki,bu açıqlamanı İordaniya hökumətinin mətbuat katibi Məhəmməd əl-Mumani "İslam Dövləti" (İŞİD) terror təşkilatına qarşı mübarizə planından danışarkən edib.

İŞİD-in iordaniyalı pilotu edam etməyi ilə bağlı təhlükəsizlik üzrə fövqəladə iclas keçirən İordaniya kralı ikinci Abdullah da Terror təşkilatına qarşı mübarizənin sərt olacağını bildirib: "Biz bu mübarizəni öz etiqadımızı, dəyərlərimizi və insani prinsiplərimizi qorumaq üçün aparırıq. Biz onları öz evlərində vuracağıq!"Pilotun öldürülməyinə veriləcək cavabın yeri silkələyəcək gücdə olacağını bəyan edilib.

Bildirək ki, İŞİD silahlılarının iordaniyalı pilot Muaz əl-Kəsasəbinin edam səhnələrini yaymalarından dərhal sonra İordaniya hökuməti həbsdə saxlanılan Terror təşkilatı ilə əlaqəli iki nəfəri edam edib.

Yeri gəlmişkən, Pentaqon rəsmilərinin son açıqlamasına əsasən, koalisiyaya üzv olan və bundan əvvəl İŞİD-in Suriyadakı mövqelərinin bombardmanında iştirak edən Birləşmiş Ərəb Əmirlikləri iordaniyalı pilotun edamından sonra öz təyyarələrini Suriyadan geri çəkib.