إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Nardaranda Aşura mərasimində İran bayrağı olmayıb-araşdırma(video)

Bir neçə gün əvvəl bəzi saytlar təxribat xarakterli material hazırlayaraq Nardaranda keçirilən Aşura mərasimi zamanı İran bayrağının və dini-siyasi liderlərinin fotoşəkillərinin qaldırılması ni gündəmə gətirməklə həm ölkədə qeyd olunun Aşura mərasiminə siyasi don geyindirməyə, o cümlədən ölkələrarası münasibətlərə xələl gətirməyə cəhd etmişlər.

Ahlibeyt.az-ın məlumatına görə ANS TV-nin əməkdaşları məsələ ilə bağlı araşdırma aparmış və məsələyə aydınlıq gətirmişlər.Aşura günü Nardaranda lentə alındığı iddia edilən görüntülərdə qaldırılan İran bayrağı ilə bağlı məsələyə dair Qafqaz Müsəlmanları İdarəsi də açıqlama verməli olub. Vəziyyətə isə görüntülərdəki şəxslərdən biri əhli-beyt məddahı Seyid Taleh Boradigahı xəbərçi-yə açıqlaması tam aydınlıq gətirib.O,həmin gün ümumiyyətlə Azərbaycanda olmadığını bildirib. Bunu sübut etmək üçün giriş-çıxış möhürlərinin olduğu xarici passportunu da bizə göstərdi. Bundan başqa İstanbulda keçirilən və onunda iştirak etdiyi Aşura mərasiminin görüntülərini də təqdim etdi.

O ki qaldı, bir çox saytların yeni xəbər kimi təqdim etdiyi bu görüntülər illər əvvəl lentə alınıbmış. Özü də Aşura günü yox.

Nardaranda bu il keçirilən Aşura mərasimindən foto şəkillər təqdim edən saytların lentə aldığı görüntülərdə nə iran bayrağına, nə də iranın dini liderlərinin şəkillərinə rast gəlmək mümkün deyil. Video ilə tanış olduqdan sonra araşdırmalara başlayan Qafqaz Müsəlmanları İdarəsi də idarənin nəzarətində olan məscidlərdə belə bir fakt aşkarlamayıb.

Burada  belə bir sual yaranır. 3 il bundan əvvəl lentə alınan görüntülərin indi özüdə İran prezidenti Həsən Ruhaninin Azərbaycana səfərə gəlməyə hazırlaşdığı bir ərəfədə yayımlanması kimlərə maraqlıdır? Hər halda bu artıq hüquq mühafizə orqanlarının araşdırmalı olduğu məsələdir.

Saytın materiallarından istifadə edərkən istinad vacibdir!
7 Noyabr, 2014  11:31 Çap

Bu bölmədə


© 2024 .Bütün hüquqlar qorunub.
Saytın materiallarından istifadə edərkən istinad vacibdir!