• Azərbaycanda

Azərbaycanda həbs edilən "nurçu"larla bağlı qərar dəyişdirildi

Azərbaycanda saxlanılan üç “nurçu” barəsində seçilmiş həbs qətimkan tədbiri ev dustaqlığı ilə əvəz olunub

Ahlibeyt.az-ın verdiyi xəbərə görə Vəkil Nizami Abbasovun Lent.az-a verdiyi məlumata görə, Səbail rayon Məhkəməsində Eldəniz Hacıyev, İsmayıl Məmmədov və Rəvan Fərzəliyevin barəsində seçilmiş həbs qətimkan tədbirinin ev dustaqlığı ilə əvəz olunması barədə vəkillərin verdiyi vəsatətə baxılıb. Məhkəmə vəsatəti təmin edərək hər üç şəxsin barəsində seçilmiş həbs qətimkan tədbirini ev dustaqlığı ilə əvəz edib.

Qeyd edək ki, onlar Bakının Yasamal rayonunda keçirilən əməliyyat zamanı saxlanılıblar. Hər üç şəxs Cinayət Məcəlləsinin 168.2-ci (dini ayinlərin icrası adı altında vətəndaşların hüquqlarına qəsd etmə) maddəsi ilə təqsirli bilinirlər.

Onu da qeyd edək ki, hüquq-mühafizə orqanları bu ilin aprelində paytaxtın Xıdır Mustafayev küçəsində yerləşən mənzillərdən birində də axtarış aparıb. Axtarış zamanı evdə toplantı keçirən “nurçu” təriqətinin 41 üzvü saxlanılıb. Onların toplaşdığı mənzildən qanunla qadağan olunmuş dini ədəbiyyat, “nurçu” təriqətini təbliğ edən audio və video materiallar müsadirə olunub.

Saxlanılan şəxslərin böyük əksəriyyətinin izahatı alınıb və sərbəst buraxılıb.

Hazırda cinayət işi üzrə istintaq davam etdirilir.

Saytın materiallarından istifadə edərkən istinad vacibdir!

15 Sentyabr, 2014 18:46 ⁄ Çap