Qafqaz Müsəlmanları İdarəsi (QMİ) bəzi KİV-lərdə izləmə kameraları ilə bağlı yayılmış xəbələrə münasibət bildirib.

Ahlibeyt.az-ın İdarənin mətbuat xidmətinə istinadən verdiyi məlumata görə, QMİ ilə bağlı yayılan provokativ xarakterli yazılarla bağlı bildirilir ki, bu, İdarənin fəaliyyətinə kölgə salmaq məqsədi daşıyan təxribatdır.

Qafqaz Müsəlmanları İdarəsi və onun yerləşdiyi Təzəpir məscid kompleksi protokol məkanlar sırasına daxildir. QMİ sədri Şeyxülislam dövlət tərəfindən qanuna uyğun olaraq mühafizə olunan şəxsdir, mühafizə xidməti ilə təmin edilmiş ictimai xadimdir. Bu baxımdan, İdarənin və onun rəhbərinin mühafizəsi, habelə Kompleksin təhlükəsizliyinin qorunması məqsədilə dini mərkəzin binası uzun illərdir ki, təhlükəsizlik kameraları ilə təchiz olunub. Həmçinin, məscidlər, kütləvi tədbirlərin keçirildiyi məkan olduğundan bu yerlərdə təhlükəsizlik kameralarının quraşdırılması zəruridir.
İdarə daxilində hər hansı izləmə və ya gizli müşahidə ilə bağlı informasiyalar həqiqətə uyğun deyildir.