Qafqaz Müsəlmanları İdarəsindən Həcc ziyarətinə yollanacaq VİP təyyarələrlə bağlı açıqlama

Azərbaycandan bu il Həcc ziyarətinə gedəcək zəvvarların VİP təyyarələrlə aparılacağı haqqında xəbərlərlə bağlı bildiririk ki, bu tam təsdiqlənməmiş xəbərdir.

Ahlibeyt.az-ın QMİ mətbuat xidmətinə istinadən verdiyi xəbərə görə, Qafqaz Müsəlmanları İdarəsinin rəsmiləri hal-hazırda aviaşirkətlə danışıqlar aparmaq üçün Səudiyyə Ərəbistanında ezamiyyətdədirlər. Yaxın günlərdə danışıqlar bitdikdən və muvafiq müqavilə imzalandıqdan sonra mətbuat vasitəsilə ictimaiyyətə bu barədə ətraflı açıqlama veriləcəkdir.

Qeyd edək ki,mətbuatda Azərbaycandan bu il Həcc ziyarətinə gedəcək zəvvarların Səudiyyə Ərəbistanına xüsusi VİP təyyarələrlə uçacaqları barədə məlumat yayılmışdır.