إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

QMİ-dən Həcc açıqlaması

Qafqaz müsəlmanları İdarəsi- "Hələlik bizə bununla bağlı heç bir təlimat daxil olmayıb"

Bu il Səudiyyə Ərəbistanına Həcc ziyarətinə gedəcək müsəlmanlar yeni prosedurlardan keçəcək. Məlumata görə, son iki dəyişiklikdən sonra hacı olmaq istəyənlərdən səyahət etmək üçün sağlamlıq haqqında sənəd və barmaq izi istəniləcək. Bu tələblər Səudiyyə Ərəbistanı tərəfindən irəli sürülüb.

Ahlibeyt.az-ın Anspress-ə istinadən verdiyi xəbərə görə Qafqaz Müsəlmanları İdarəsindən də (QMİ) bu məsələyə münasibət bildirilib. İdarədən verilən məlumata görə, bununla bağlı hər hansı bir təlimat hələlik onlara daxil olmayıb. İdarədən həmçinin bildiriblər ki, QMİ hər zaman Həcc ziyarətinə getmək istəyən zəvvarlardan sağlamlıq barəsində arayış tələb edir.
“Bu barədə bizə hər hansı bir təlimat daxil olarsa məlumat veriləcək. Hələlik bizə bununla bağlı heç bir təlimat daxil olmayıb".

Qeyd edək ki, dəyişiklər barədə Türkiyə Dəyanət işləri Türk İslam Birliyinin Həcc və Ümrə üzrə məsul şəxsi Əli Özdəmir məlumat verib. "İlk dəyişiklik zəvvarların həkimdən xüsusi sağlamlıq kağızı almaları ilə bağlıdır. İkinci dəyişikliyə görə, Avropadan səyahətə gələnlərdən barmaq izi alınacaq. Bu hələlik tam dəqiqiləşməyib. Qarşıdakı günlərdə dəqiq məlumat veriləcək".
Yeni dəyişikliklər müsəlmanların gömrükdən girişini asanlaşdırmaq məqsədilə edilib.

Hacı olmaq istəyən müsəlmanlar sağlamlıq haqqında sənədi öz həkimlərindən ala biləcəklər. Barmaq izi vermək isə xüsusi səyyar xidmət vasitəsi ilə mümkün olacaq.

Saytın materiallarından istifadə edərkən istinad vacibdir!
31 İyul, 2014  19:16 Çap

Bu bölmədə


© 2024 .Bütün hüquqlar qorunub.
Saytın materiallarından istifadə edərkən istinad vacibdir!