Hal-hazırda müvafiq sənədlərin hazırlanması prosesi gedir

Ahlibeyt.az-ın verdiyi xəbərə görə bir müddət öncə Göyçay Əbəlfəzl Abbas məscidinin axundu Hacı Ramin Rəhimov islamazeri.az-a açıqlamasında bildirmişdi ki, sünni qardaşlarımızın dini təhsil tədris etməsinə hər hansı maneə törədilməsə də, əhli-beyt ardıcıllarının dini təhsil ocaqlarının fəaliyyətinə məhdudiyyətlər qoyulur: "Rayonda əhli sünnə qardaşlarımızın məscidlərində 250 nəfərə dərs keçirlər. Heç bir rəsmiyyətləri də yoxdur. İndi belə çıxır ki, şiə və sünni ayrıseçkiliyi edilir? Əgər qanunla hərəkət edirlərsə, hamı ilə qanunla rəftar etməlidirlər."

Bundan sonra Dini Qurumlara İş üzrə Dövlət Komitəsi və Qafqaz Müsəlmanlar İdarəsinin nümayəndələri hadisə ilə bağlı axund Hacı Ramin Rəhimovla görüşüblər.

Bu barədə islamazeri.az-ə axund Hacı Ramin Rəhimovun məlumat verib.

O sayta açqlamasında qeyd edib ki, “Biz Qafqaz Müsəlmanları İdarəsinə və Dini Qurumlarla İş üzrə Dövlət Komitəsinə müraciət etdik. Bizə bildirdilər ki, müvaviq sənədlər hazırlanandan sonra mədrəsənin fəaliyyətinə icazə veriləcək. Bizə vəd veriblər ki, çox güman Fitr bayramından (Ramazan) sonra mədrəsə açılacaq.”