|
DİN Sabirabadda vəhhabi təriqətinə mənsub şəxsin saqqalının qırxılması məsələsinə aydınlıq gətiribDaxili İşlər Nazirliyinin (DİN) Mətbuat Xidmətinin rəis müavini Ehsan Zahidov dünən Sabirabad şəhərində bir nəfərin saqqalının kənar şəxslər tərəfindən qırxılması barədə bəzi xəbər portallarında yayılmış xəbərə aydınlıq gətirib. Ahlibeyt.az-ın verdiyi xəbərə görə E.Zahidov Trend-in sorğusuna cavab olaraq bildirib ki, iyulun 4-də Sabirabad şəhər mərkəzi bazarının yaxınlığında Kürdəmir rayon sakini Cavanşir Zərbəliyevin qeyri-ənənəvi dini təriqətlərdən birinin təbliğatını aparması ətrafdakı vətəndaşların etirazına səbəb olub: "Bu zəmində şəhər sakini Rəmzi Zeynalovla Cavanşir Zərbəliyev arasında əlbəyaxa davaya keçən münaqişə baş verib. Rəmzi Cavanşirin saqqalından tutaraq ondan insanların etirazına səbəb olan söhbətinə son qoymasını və dərhal ərazini tərk etməsini tələb edib. Bu barədə məlumat alan polis əməkdaşları dərhal hadisə yerinə gələrək hər iki şəxsi saxlayaraq Rayon Polis Şöbəsinə gətiriblər. Onların ərizə və izahatları alınıb, baş vermiş hadisə ilə bağlı təhqiqata başlanılıb". DİN rəsmisi deyib ki, araşdırmaların nəticəsindən asılı olaraq qanuni qərar qəbul ediləcək: "Yeri gəlmişkən, onu da xüsusi olaraq vurğulamaq istərdim ki, heç kimin özbaşına olaraq kimsəni cəzalandırmaq, mühakimə etmək hüququ yoxdur. Bütün məsələlər yalnız qanun çərçivəsində öz həllini tapmalıdır. Konkret olaraq baş vermiş bu münaqişədə də deyilənlər sübut olunarsa, günahkar qanunla müəyyən edilmiş qaydada öz cəzasını alacaq". Qeyd edək ki, saqqalı qırxılan C.Zərbəliyevin vəhhabi dini təriqətinə mənsub olduğu və Sabirabad sakini olmadığı bildirilir. Saytın materiallarından istifadə edərkən istinad vacibdir!
5 İyul, 2014 12:45 ⁄ Çap
Bu bölmədə9 Aprel, 2024 Ramazan Bayramınız Mübarək8 Aprel, 2024 Medianın İnkişafı Agentliyi və Dövlət Təhlükəsizliyi Xidməti vətəndaşları əsassız informasiyalara inanmamağa çağırıb8 Aprel, 2024 Ramazan bayramının namaz vaxtı açıqlanıb |
Xəbər lenti
8 Aprel, 2024 18:25
8 Aprel, 2024 18:04
27 Mart, 2024 17:02
|
© 2024 .Bütün hüquqlar qorunub. Saytın materiallarından istifadə edərkən istinad vacibdir! |