“Azərbaycanda Ramazan ayı digər müsəlman ölkələrindəki kimi coşğuyla qeyd olunmur”. Bunu Ahlibeyt.az-ın məlumatına görə bunu Modern.az-a-a Məşədi Dadaş məscidinin axundu Hacı Şahin Həsənli deyib. “Yəni orucluq kütləvi şəkildə cəmiyyət arasında qeyd olunmur. Yəni başqa ölkələrdə iftar süfrələri, çadırlar qurulur, insanlar birgə iftar açır. Azərbaycanda isə bu ənənələr tədricən unudulur”.

Hacı Şahin Həsənli deyir ki, insanların Ramazan ayına münasibətinə uzun müddət sovet dövründə olan qadağalar təsir göstərib, təbliğat zəifdir: İnsanların maarifləndirilməsinə ehtiyac var. KİV-də Ramazan ayı ilə bağlı insanlara bilgi verən dini yazılar, verilişlər olmalıdır. Din xadimləri də dinin təbliğinin effektiv üsullarından istifadə etməli, müasir tələblərə uyğun insanlara çatdırmalı, Ramazanın həqiqi fəlsəfəsini insanlara anlatmalıdırlar.

Ramazan ayının həm də bir ictimai hadisə olduğunu qeyd etmək lazımdır. Yalnız fərdi baxımdan insan oruc tutmaqla kifayətlənməməlidir. Oruc tutmağın fəlsəfəsi budur ki, varlı insanlar ehtiyacı olan insanların halından xəbər tutsunlar. Hədislərdə də qeyd edilir ki, imkanlılar imkansızlardan xəbərdar olsunlar. Orucun ictimai-sosial tərəfi insanlara aşılanmalıdır”.