Fatimeyi-Zəhra dini icmasının Dövlət Komitəsinə qarşı şikayəti təmin edilməyib

Apellyasiya Məhkəməsində “Fatimeyi-Zəhra”  məscidin keçmiş dini icmasının Dini Qurumlarla İş üzrə Dövlət Komitəsinə qarşı apellyasiya şikayəti əsasında məhkəmə prosesi başa çatıb.

Prosesdə qərar elan olunub. Qərara əsasən, birinci instansiya məhkəməsinin çıxardığı qətnamə qüvvəsində saxlanılıb, apellyasiya şikayəti təmin edilməyib.

Ahlibeyt.az-ın apa-ya istinadən verdiyi xəbərə görə  Dini Qurumlarla İş üzrə Dövlət Komitəsi 2 saylı Bakı İqtisadi-İnzibati Məhkəməsinə müraciət edərək, dini icmanın dövlət qeydiyyatının ləğv edilməsi barədə iddia qaldırılmışdır və məhkəmə Dövlət Komitəsinin iddiasını təmin edərək, icmanın dövlət qeydiyyatını ləğv edib. Qərardan narazı qalan dini icma apelyasiya şikayəti verib.

Qeyd edək ki, bir müddət əvvəl Xanım "Fatimeyi -Zəhra" məscidinin yeni dini icmasının üzvləri tərəfindən məlumat verilərək bildirilmişdir ki, fəaliyyəti qadağan edilən icma məscidi şəxsi mülkləri kimi hesab edirdilər. Bu barədə məhkəmədə də bildirilmişdir. Onların fəaliyyətinə xitam verildikdən sonra yeni icma qeydiyyatdan keçəcək.