Ağdamda yerli ziyalıların, dindarların, gənclərin və rəsmi dövlət orqanlarının nümayəndələrinin iştirakı ilə “Tolerantlıq Azərbaycan cəmiyyətinin yaşam normasıdır” mövzusunda konfrans keçirilib.

Ahlibeyt.az-ın Apa-ya istinadən verdiyi xəbərə görə Qarabağ bürosunun xəbərinə görə, tədbiri Dini Qurumlarla İş üzrə Dövlət Komitəsinin sədr müavini Gündüz İsmayılov açıb. Azərbaycanda bütün dinlərə və digər millətlərə tarixən tolerant münasibət bəsləndiyini deyən G. İsmayılov müxtəlif qüvvələrin respublikada dini ayrı-seçkilik və ədavət salmaq istəklərinin həmişə boşa çıxacağını bildirib.

Onun sözlərinə görə, ermənilər istisna olmaqla, əsrlər boyu Azərbaycanda bir cəmiyyətdə yaşayan xalqlar arasında milli, dini qarşıdurma olmayıb. Dözümsüzlük ideyalarının yayılmasının yolverilməzliyinə toxunan natiq qeyd edib ki, belə halların qarşısının alınması məqsədilə mütəmadi olaraq tədbirlər həyata keçirilir.