Hacı Şahin Həsənli Hollandiyadakı "halal"adlı əxlaqsızlıq yuvasına münasibət bildirdi

“Hollandiyadakı əxlaqsızlıq yuvasını islam dininin adına bağlamaq müqəddəs dəyərləri ucuzlaşdımaq üçün atılmış addımlardan biridir” 

Ahlibeyt.az-ın məlumatına görə  Aktual.az-ın məsələ ilə bağlı sualını cavablandıran tanınmış ilahiyyatçı alim, “Məşədi Dadaş” məscidinin imamı Hacı Şahin Həsənli deyib.

Hacı Şahin Həsənli Hollandiyanın paytaxtı Amsterdamda açılacaq barın “halal” fahişəxana adı ilə fəaliyyət göstərməsində başlıca məqsədinin islam dinini ləkələmək olduğunu bildirib.

“Avropanın özündə islam çox aktual dinə çevrilib və insanlar islama böyük maraq göstərirlər. Bəzi dairələr bundan narahatlıq duyurlar və buna görə də, islama qarşı bu cür qabaqlayıcı adddımlar atırlar.

Məsələn, bir sıra Avropa ölkələrində minarələrin sökülməsinə dair referendum keçirildi. Və yaxud dini atributlara qarşı aqressiv münasibət bəslənilir. Bu da Avropa dəyərlərinə aid olan multikultiralizmə ziddir. Onlar, həmçinin, dini məsxərəyə qoyub, peyğəmbərə hörmətsizlik etməklə, dini dəyərləri gülüş hədəfinə çevirməklə islama qarşı olduqlarını nümayiş etdirirlər", - deyə Hacı Şahin Həsənli fikrini tamamlayıb.

Xatırladaq ki,bir sıra xəbər agentlikləri tərəfindən Hollandiyanın paytaxtı Amsterdamda "halal fahişəxana"adlı əxlaqsızlıq yuvasının açılacağı barədə məlumat yayılmışdır.