Suriyada daha bir azərbaycanlı vəhhabi öldürülüb (Foto)

Ahlibeyt.az-ın verdiyi xəbərə görə, Apa-nın  Suriyada vuruşan azərbaycanlı döyüşçülərdən aldığı məlumatda bildirilir ki, “Yehya Azəri” kimi tanınan azərbaycanlı təkfirçi Hələb yaxınlığında Bəşər Əsəd qüvvələri tərəfindən vurulub.

 

Azərbaycandan olan təkfirçilər onun meyitinin fotosunu da Apa-ya təqdim ediblər.

 

Öldürülən azərbaycanlının əsl adı açıqlanmasa da, onun Sumqayıt sakini olduğu bildirilir.

 

Qeyd edək ki, Suriyada vəziyyət gərginləşəndən sonra bir qrup Azərbaycan vətəndaşı bu ölkəyə gedərək müxtəlif təkfirçi qruplaşmaların tərkibində vuruşmağa başlayıb. Ötən müddət ərzində həmin döyüşlərdə 100-dən çox azərbaycanlı həyatını itirib.

 

Onların bir çoxunun fotosu mücahidlər tərəfindən sosial şəbəkələrdə yayılıb.