Ahlibeyt.az-ın Shafaqna-ya istinadən verdiyi xəbərə görə dünyanın ən böyük əlyazması olan Qurani Kərimin ilk 10 səhifəsi İranın paytaxtı Tehranda Mir İmad Xəttatlıq və Əlyazmalar  muzeyində sərgilənmişdir.

Xəttat Əli Əkbər Quçani nəsih və cəli üslubunda yazdığı Qurani-Kərim haqqında məlumat verərək bildirmişdir ki,bəzi ölkələrdə Qurana olunan ehtiramsızlıq və Quran yandırılma hallarından sonra böyük bir Qurani-Kərim yazmağa qərar verdim.

Xəttat 5 il ərzində ölçüləri 175x250 sm olan Quranın 28 cüzünü yazaraq tamamlamışdır.Yazılmayan 2 cüz bitdikdən sonra Qurani-Kərimin səhifələrinin sayı 650-yə çatacağını qeyd etmişdir.

Quranda işlənən hər bir "bismillahir rəhmanir rəhim" kəlməsini fərqli bir şəkildə qələmə alan Quçani  bunu 114  fərqli bir formada yazmışdır.Sadəcə bir gözü ilə görə bilən 70 yaşlı xəttat Qurani-Kərimi yazmasını özü üçün bir möcüzə adlandırmışdır.