Samir Salam qeyri-adi təqdimat təşkil edəcək (FOTO)

Müğənni özünün rejissoru olduğu klipini təqdim edəcək

Dini mahnılar, ilahilər ifaçısı kimi tanınan müğənni Samir Salam yeni klipini təqdim edəcək.
ANS PRESS-in məlumatına görə, klipin təqdimatı may ayının 13-də saat 15:-da Ramanada yerləşən Əlillərin Peşə və Reabilitasiya Mərkəzində düzənlənəcək. Təqdimata tanınmış dini və ictimai xadimlərin, həmçinin sənət aləminin nümayəndələrinin iştirakı gözlənilir.

Samir Salam sosial şəbəkələrdə təqdimatın qeyri-adi formatda baş tutacağını anons edib. Əslində klipin təqdimatı hansısa bir restoran və ya əyləncə mərkəzlərinin birində deyıl, məhz Əlillərin Peşə və Reabilitasiya Mərkəzində təşkil edilməsi özü özlüyündə qeyri-adidir. Qonaqları daha hansı sürprizlərin gözləyəcəyini isə təqdimat günü bilinəcək.

"Çağrı" mahnısına çəkilmiş klipinin rejissoru ifaçı özüdür. Növbəti dəfə kamera qarşısına keçən müğəni, eyni zamanda kamera arxasında olub.

Klip "Yeni Yurd" ictimai birliyinin dəstəyi ilə ərsəyə gəlib.