Müsəlman dünyasının tanınmış müctəhidlərindən olan, Təbriz şəhərinin keçmiş imam-cüməsi Ayətullah Müslim Mələkuti vəfat edib.

İrna agentliyinin yaydığı xəbərə görə uzun zaman ağ ciyər xəstəliyindən əziyyət çəkən 91 yaşlı müctəhid bu gün Tehran xəstəxanalarından birində dünyasını dəyişib.

Ayətullah Mələkuti təhsilini İraqın müqəddəs Nəcəf şəhərində aldıqdan sonra müctəhidlik dərəcəsinə çatıb. 1969-cu ildə İranın Qum şəhərinə köçüb. Həmin vaxtdan etibarən şəhərin dini-elmi ocaqlarında tədris işinə başlayıb.
İranda İslam inqilabından sonra  Ayətullah Mələkuti inqilabdan sonra mərum Ayətullah Musəvi Xomeyni tərəfindən Təbrizin imam-cüməsi vəzifəsinə təyin edilib.

Ayətullah Mələkuti İran sərhədlərindən kənarda, xüsusilə də Azərbaycan Respublikasında da sevilirdi.
Bu alimin əsərlərindən Kifayətül-Üsul kitabını ətraflı şəkildə şərh edən dəyərli kitabı nümunə göstərmək olar. Belə ki, bu kitab dini elmlər hövzələrində istifadə olunmaqdadır.Dəyərli alim 1995-ci ildən Qum elmi hövziyyəsində tədrislə məşqul olmuşdur.