Azərbaycan Mərkəzi Bankı "Kövsər Bank"ın lisenziyasını bərpa edib

Azərbaycan Mərkəzi Bankı "Kövsər Bank"ın lisenziyasını bərpa edib

Azərbaycan Mərkəzi Bankı (AMB) Islam Bankçılıq prinsipləri ilə çalışan "Kövsər Bank"ın lisenziyasını bərpa edib. Müvafiq qərar Mərkəzi Bankın İdarə Heyəti tərəfindən aprelin 9-da qəbul edilib.

Bu barədə Trend-ə AMB-nin mətbuat xidmətindən bildiriblər.

“Kövsər Bank”dan Verilən məlumatlara görə görə, rəhbər şəxslər artıq işə çıxmağa başlayıblar.      Beləliklə, ölkədə fəaliyyət göstərən kommersiya bankların sayı 44-ə çatıb.

Xatırladaq ki, AMB “Kövsər Bank”ın lisenziyasını 2010-cu ilin sonunda ləğv edilməsi barədə qərar qəbul edib. Buna səbəb kimi, bankın AMB-nin ümumi kapitala minimum tələblərin yerinə yetirilməməsi və bank qanunvericiliyində yol verilən pozuntular göstərilib.

Qeyd edək ki, “Kövsər Bank” islam bankçılığı prinsipləri ilə fəaliyyət göstərən Azərbaycanda ilk, MDB-yə üzv olan ölkələrdə isə ikinci bankdır.