İnanclılar İslam peyğəmbərinin qızının mövludunu paytaxt sakinləri ilə bölüşdülər

FaktXəbər-in verdiyi məlumata görə, ötən gün Bakının mərkəzi küçələrinin birində qeyri-adi aksiya keçirilib. Belə ki, bir qrup inanclı paytaxt sakinlərinə gül hədiyyə ediblər. İslam peyğəmbərinin qızı Həzrəti Zəhranın mövludunu qeyd edən inanclılar bayram ruhiyyəsini ətrafdakı insanlarla paylaşıblar.

Qeyd edək ki, ötən gün İslam ümmətinin mənəvi anası sayılan həzrəti Fatimeyi-Zəhranın (s.ə) mövlud (doğum) günü idi. Bu əziz gün inanclı şəxslər tərəfindən Qadınlar günü kimi də qeyd olunur. Həmin tarix bir daha azərbaycanlı xanımlara dəyər verilən, hörmət bəslənən və sevgi nümayiş etdirilən günlərdəndir