Kitabxanadan Trend-ə verilən məlumata görə, AMEA ak. Z.M.Bünyadov adına Şərqşünaslıq İnstitutunun hazırladığı "İslam -ensiklopedik lüğət" kitabı AMEA Mərkəzi Elmi Kitabxanasının fonduna daxil edilib Filologiya üzrə elmlər doktoru, professor Gövhər Baxşəliyevanın elmi redaktorluğu ilə nəşr olunan kitabda respublikamızın müstəqillik dönəmində dini maarifçiliyin genişləndiyi, plüralizm və söz azadlığının bərqərar olduğu, İslama marağın artdığı hazırkı vaxtda İslam haqqında doğru və düzgün məlumatlar öz əksini tapıb.

Lüğət "İslam. Ensiklopediçeskiy slovar" (Moskva, "Nauka", QRVL, 1991) kitabının tərcüməsi əsasında bir sıra yerli mənbə və ədəbiyyat, Azərbaycanın şeyxüslamları, müftiləri, axundları və s. din xadimləri haqqında məlumatlar, habelə, bəzi istilahlar haqqında əlavələrlə hazırlanıb.

Kitab ilahiyyatçılar, filosoflar, şərqşünaslar və ümumiyyətlə, islamla maraqlananlar üçün nəzərdə tutulub.