Qafqaz Müsəlamnları İdarəsinin (QMİ) işçiləri ancaq ət kəsilən yerlərdə iştirak edə bilərlər.
Bunu Xəzər Avropa Klubunun təşkil etdiyi görüşdə (CBEİC) jurnalistlərə Standartlaşdırma, Metrologiya və Patent üzrə Dövlət Komitəsinin sədri Ramiz Həsənov deyib.
O, QMİ-nin iddiasına cavab verərkən bildirib ki, standart dövlətin tələbidir. Standartları dövlət tənzimləyir. Müsəlaman aləmində olan halallıq məsələləri QMİ-nin daxili işidir. Biz dövlət olaraq müəyyən olunan standartların tələblərinə uyğun sertifikatlarımızı veririk: "Bu məsələyə son qoymaq lazımdır. Bizim müəyyən təşkilatlarımız sertfikatlaşdırma prossesini keçirir və "Halal Qida" standartına uyğun sertifikat verir. QMİ isə kəsim prossesinə nəzarət edir.
Standartların özündə var ki, kəsim zamanı şəriətə uyğun olaraq surələr və dualar oxunmalıdır. Şəriətə uyğun prosedurlar kolbasada və sosiskada istifadə olunan inqridentlərin kəsimi zamanı istifadə olunur. Təbii ki, halal kəsilmə məsələsi bizim işimiz deyil. Bizim borcumuz yoxlamaqdır."
Komitə sədri söyləyib ki, idxal olunan ətin üzərində halal kəsilmə ilə bağlı sertifkat gəlir. Ölkəyə Hindistandan və Brazilyadan hazır ət gətirilir. Bizim mütəxsislərimiz həmin ölkələrdə ət kəsmək prosesini izləyiblər və görüblər ki, proses şəriətə uyğun şəkildə aparılır.
