Azərbaycanda "halal" sertifikatı verən ət və ət məhsulları istehsal edən şirkətlər məhkəməyə verilir. FaktXəbər-in məlumatına görə, bu barədə ölkədə fəaliyyət göstərən dini icmalar bəyanat yayıb. Bir neçə dini icma rəhbəri bununla bağlı toplantı da keçirib və həmin şirkətlərə qarşı kompaniyalara başlamaq qərarı verib. Ölkə dindarları iddia edirlər ki, Azərbaycanda "halal" adı ilə ət və ət məhsulları istehsal edən bu şirkətlər namaz əhlini aldadaraq onlara öz haram məhsullarını satıb və bu da dindarları günaha batırıb. Buna görə də, həmin şirkətlər qanunsuzluqlarına görə cavab verməlidirlər.

Məlumata görə, bir neçə dini icmanın üzvləri artıq bununla bağlı konkret qərar verib və "halal" adı ilə ət və ət məhsulları istehsal etmiş şirkətlərin siyahısını hazırlayıb. Yaxın vaxtlarda icma üzvləri həmin şirkətlər barədə məhkəməyə müraciət edəcək.