Dini Qurumlarla İş üzrə Dövlət Komitəsinin, Dialoq və Əməkdaşlıq Uğrunda İslam Konfransı Gənclər Forumu Avrasiya Regional Mərkəzinin təşəbbüsü və dəstəyi ilə elan edilən “Dini icmaların sosial layihələrinə dəstək proqramı” çərçivəsində qalib gələn Quba şəhəri “Cümə məscidi” dini icması “Kompyuter savadsızlığına yox deyək” adlı layihəni yekunlaşdırıb.
QhtXeber-in verdiyi məlumata görə Layihə rəhbəri Seyran Fərəczadə bildirib ki, ötən ilin oktyabrından start götürən layihənin əsas məqsədi aztəminatlı ailələrdən olan yeniyetmə və gənclərin elmi biliklərə yiyələnmələrinə dəstək verməkdir. Altı aylıq layihə çərçivəsində Qubanın bir sıra ətraf kəndlərində yaşayan 80 nəfərə yaxın gənc “vətənpərvərlik”, "din və dövlət”, "zərərli vərdişlərdən qorunmaq”, eləcə də radikal dini təriqətlərin qarşısının alınması istəqamətində mövzular çərçivəsində təlimlərdə olublar.
Xatırladaq ki, bu həm ölkə tarixində, həm də Quba rayonunda dini icma tərəfindən icra edilən ilk sosial yönümlü layihədir.
Sonda kompyuter kurslarını bitirən tələbələrə sertifikatlar verilib.