Xaçmaz şəhər “Təzə şəhər” məscidinin İmam-cüməsi Hacı Zaur Məmmədov bu fikri Azərbaycan Respublikasının millətlərarası, multikulturalizm və dini məsələlər üzrə Dövlət müşaviri Kamal Abdullayevin Xaçmaz rayon ictimaiyyəti ilə keçirdiyi görüşündə səsləndirib.

Kamal Abdullayev Xaçmaz şəhərində yerləşən məscidləri ziyarət edərək dindarlarla görüşlər keçirib.
Görüş zamanı Azərbaycan dövlətinin dini sahəyə ayırdığı diqqət və gələcəkdə həyata keçirilməsi nəzərdə tutulan bir sıra dövlət proqramları haqqında dindarlara məlumat verib. Xaçmaz şəhəri “Təzə şəhər məscidi”ndə aparılan təmir işləri və qarşıya çıxan digər poblemlərlə tanış olub.
Məscidin İmam-cüməsi Hacı Zaur Məmmədov “Təzə şəhər məscidi” dini icmasının fəaliyyəti ,DQİDK- nın dəstəyi ilə bu günə qədər həyata keçirdiyi sosial layihələr , məscid nəzdində fəaliyyət göstərən kitabxana və mədrəsə ilə tanış edib.
Görüş zamanı Hacı Zaur Məmmədov Dövlət müşaviri qarşısında ölkədə dini sahənin inkişafı üçün üçün mühüm olan təkliflər irəli sürüb.O qeyd edib ki:İraqın müqəddəs Nəcəf şəhərində yerləşən İslam dünyasının ən böyük qəbirstanlığı ”Vadius-səlam”da ancaq on üç minə qədər azərbaycanlı alim məzarı var. Bu tarixi fakt bir millət olaraq Azərbaycan xalqının İslama bağlılığını hansı səviyyədə olduğunu göstərən çox önəmli nümunəsidir. Lakin çox böyük təəssüf ilə qeyd etmək istəyirəm ki, belə tarixi olan xalqın bu gün dini təhsilə verdiyi önəm ancaq bir Qafqaz İslam Unversiteti və İlahiyyat fakültəsindən ibarətdir. Çıxışın sonunda Hacı Zaur Məmmədov dini maariflənmə üçün yalnız ali məktəblərdə fakültə olaraq və bölgələrdə təşkil olunan kurslardan yüksək nəticə gözləmək doğru olmadığını qeyd edərək Azərbaycanda dini maariflənmənin güclənməsi üçün “hövzə” sisteminin yaradılması təklifini irəli sürmüşdür.

Dövlət müşaviri bu təklifi dəyərləndirəcəklərini və bunun üçün ölkə ruhaniləri ilə də bir sıra görüşlərin keçirilməsinin əhəmiyyətli olduğunu qeyd edib.