Din və Demokratiya Mərkəzi yeni layihənin icrasına başlayıb

Din və Demokratiya Mərkəzi (DDM) “Ailə mədəniyyəti ənənələrini yabançı dini təmayüllərin mənfi təsirlərindən qorumaq yönümündə maarifçilik tədbirləri” layihəsinin icrasına başlayıb. Layihə Azərbaycan Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə icra olunur.
Mərkəzin yaydığı məlumata görə, layihə çərçivəsində erkən evlilik, qızların təhsildən yayındırılması ilə bağlı mənfi təmayüllər ətrafında təhsil ocaqlarında valideyn, şagird və müəllimlərin iştirakı ilə müzakirələr təşkil ediləcək.
Layihənin məqsədi ailə möhkəmliyinin yad dini təsirlərdən qorunması ilə yanaşı, islam dininin mahiyyətinə uyğun və elmi tərzdə etik-əxlaqi normaların açıqlanması və müzakirələri ilə dindarların din mədəniyyətinin yüksəldilməsinə də təsir göstərməkdir.

Xatırladaq ki, Din və Demokratiya Mərkəzi 1998-ci ildən fəaliyyət göstərir.