“Səda” Maarifçi Klubunun təşkilatçılığı ilə Bakıda “İslam Bankçılığı" mövzusunda seminar keçirilib.
SalamNews xəbər verir ki, mövzu ətrafında Azərbaycan Beynəlxalq Bankının İslam bankçılığı Departamentinin direktoru Behnam Qurbanzadə çıxış edib.
O deyib ki, İslam bankçılığı tətbiq olunmuş xüsusi modeldir. Azərbaycana bu model təzəlikcə gəlib. İslam bankçılığı ilə bağlı 2003-cü ildə Beynəlxalq Bank tərəfindən ilkin əməliyyatlar olub. İslam bankçılığına dair alimlər ayrı-ayrılıqda müxtəlif  fətvalar verirlər, lakin nəticədə 4 əsas sütun var. Belə ki, İslam bankçılığında pul satıla bilməz. İslam bankçılığında yalnız ticarətə və xidmətlərin göstərilməsinə icazə verilir. Hər kəs öz mənafeyindən başqa qarşı tərəfində mənafeyini qorumalıdır. Heç bir haram işə (İslamda qadağan olunmuş) pullar yönəldilmir. Bura qumar, silah istehsalı və s. daxildir. Hər layihə yüz faiz şəffaf olmalıdır. Hər iki şəxs bilməlidirki pullar hara yönəlir və sonda yönələn pullarla nə istehsal olunacaq və bunun gələcəyi necə olacaq. İslam bankçılığını ənənəvi bankçılığdan fərqləndirən əsas məsələ şəriətdir və İslam bankçılığında mütləq şəriət komitəsi olmalıdır.
Sonda iştirakçıların sualları cavablandırılıb.