Qafqaz Müsəlmanları İdarəsinin (QMİ) sədri, şeyxülislam Allahşükür Paşazadə Azərbaycanın şimal-qərb bölgəsinə səfər edib. Şəki-Zaqatala bürosunun məlumatına görə, bu gün səhər Zaqatalaya gələn A. Paşazadə bölgədəki dini icmaların nümayəndələrinin iştirakı ilə zona müşavirəsi keçirir.

ANS PRESS-in bölgə müxbirinin verdiyi məlumata görə, Bütün Qafqazın Şeyxi Zaqatalada baş verən son zəlzələdən sonra zərərçəkən ailələrə 10 min manat miqdarında yardım edib. O, bu pulu rayon icra başçısına təqdim edib.
Bundan başqa, Allahşükür Paşazadə Bakı İslam Universitetinin Zaqatala bölməsinin tələbələrinə ərzaq tədarükü üçün 5 min manat vəsait ödəyib. Bu məbləğ uniersitetin rəhbərliyinə təqdim olunub.

MüşavirədəZaqatala, Balakən, Qax və Şəkidən olan dindarlar iştirak edir. A. Paşazadənin ətraf rayonları səfəri də gözlənilir