"Əyyamul bizz" yaxınlaşır

Rəcəb ayının 13-cü, 14-cü və 15-ci günlərinə "Əyyamul-biz" deyilir. "Əyyamul-biz"in əməllərini bir daha xatırlatmaq istərdik:
1. Bu günlərdə oruc tutmaq tövsiyə olunur.
2. Rəcəb ayının 13-cü gecəsi 2 rükət namaz qılınır. Hər rükətdə "Fatihə"dən sonra "Ya Sin" və "Mülk" surələri oxunur.
14-cü gecə 4 rükət namaz qılınır (2 dəfə 2 rükətli namaz). Bu namazda da hər rükətdə "Fatihə"dən sonra "Ya Sin" və "Mülk" surələri oxunur.
Nəhayət, 15-ci gecə bu qayda ilə 6 rükət (3 dəfə 2 rükətli namaz) namaz qılınır.
3. 15-ci gecə və 15-ci gün qüsl almaq, habelə İmam Hüseyni (ə) ziyarət etmək (uzaqda olanlar uzaqdan da ziyarətnaməni oxuya bilərlər). Bu gün həmdə Ummu Davud duasını oxumaq tövsiyə olunur.
On üçüncü gün İmam Əlinin(ə) mövlududur. Həmin gün İmamı(ə) ziyarət etmək, ona hədiyyə namazı qılmaq bəyənilən əməllərdəndir.
Imam Sadiq(ə) buyurur ki, hər kim "Əyyamul bizz"ə əməl edərsə bütün bu ayı dərk etmiş olar və şirkdən başqa bütün günahları bağışlanar.
Qeyd edək ki, rəcəb ayının 13-cü gecəsi may ayının 23-ü şam azanından sonra daxil olur, may ayının 24-ü isə rəcəb ayının 13-cü günüdür.