إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Şimal-Cənub nəqliyyat dəhlizinin inkişafına dair Bakı bəyannaməsi imzalanıb

Bir ay ərzində Rəşt-Astara dəmiryolu xəttinin tikintisinə dair saziş layihəsi hazırlanacaq və onun işə salınması ilə bağlı danışıqların 2022-ci ilin sonuna qədər başlanılması planlaşdırılır.

Ahlibeyt.az TASS-a istinadən xəbər verir ki, "Şimal-Cənub" beynəlxalq nəqliyyat dəhlizinin inkişafına dair Bakı Bəyannaməsi Azərbaycan, Rusiya və İran arasında ilk üçtərəfli görüşün yekunlarına əsasən imzalanıb.

Azərbaycan baş nazirinin müavini Şahin Mustafayev, Rusiya baş nazirinin müavini Aleksey Novak və İranın yollar və şəhərsalma naziri Rüstəm Qaseminin imzaladığı sənəddə tərəflər Şimal-Cənub nəqliyyat dəhlizinin inkişafı üzrə birgə səyləri gücləndirmək barədə razılığa gəliblər.

Görüşdə "Rəşt (İran) - Astara (İran) dəmir yolu xəttinin tikintisinin başa çatdırılması və istismara verilməsi ilə bağlı gələcək müzakirələrin vacibliyi" müzakirə olunmuşdur. Bildirilib ki, nəzərdə tutulan xəttin tikintisinə dair saziş layihəsi bir ay ərzində hazırlanacaq və onun işə salınması ilə bağlı konkret danışıqlara 2022-ci ilin sonuna qədər başlanılması planlaşdırılır.

Tərəflər sərhəd-keçid prosedurlarını asanlaşdırmaq və bu istiqamətdə Azərbaycan, Rusiya və İranın müvafiq orqanları arasında əməkdaşlığı genişləndirmək niyyətlərini təsdiqləyiblər.

Bundan əlavə, tərəflər regionda bütün iqtisadi və nəqliyyat əlaqələrini, o cümlədən sərhəddən keçmək yolu ilə blokdan çıxarmaq, yeni nəqliyyat kommunikasiyalarının yaradılması nəzərdə tutulub.

Qeyd edək ki, Cənub multimodal nəqliyyat dəhlizinin yaradılması haqqında hökumətlərarası saziş 2000-ci ildə Rusiya, Hindistan və İran tərəfindən imzalanıb. Daha sonra iştirakçıların sayı 14-ə çatıb. Layihənin məqsədi Hindistan, İran və Fars körfəzi ölkələrindən Rusiya ərazisindən keçməklə Avropaya yük axınlarının tranzitini cəlb etməkdir (Süveyş kanalından keçən dəniz yolu ilə müqayisədə, məsafə iki dəfədən çox azalır, bu da daşıma vaxtını və xərclərini azaldır). hazırki layihə ayrı-ayrı dövlətlərin bir neçə müxtəlif nəqliyyat sistemlərini birləşdirir.

 

 

Saytın materiallarından istifadə edərkən istinad vacibdir!
9 Sentyabr, 2022  18:14 Çap

Bu bölmədə


© 2024 .Bütün hüquqlar qorunub.
Saytın materiallarından istifadə edərkən istinad vacibdir!