Gənclər və idman naziri Fərid Qayıbov İslam Əməkdaşlıq Təşkilatı Gənclər Forumunun (ICYF) prezidenti Taha Ayhanla görüşüb.

Ahlibeyt.az-ın Gənclər və İdman Nazirliyinin mətbuat xidmətinə istinadən xəbərinə görə, İslam Əməkdaşlıq Təşkilatı Gənclər və İdman Nazirlərinin Daimi Şurasının Bakıda keçirilən üçüncü iclası çərçivəsində baş tutan görüş zamanı nazir Fərid Qayıbov qonağın iclasa qatılmasından məmnunluğunu ifadə edib.

Bakıda keçirilən tədbirin ölkəmizlə ICYF arasında əməkdaşlığı növbəti mərhələyə keçməsinə səbəb olacağı qeyd edilib.

Səmimi qəbula görə təşəkkürünü bildirən ICYF prezidenti Taha Ayhan tədbirin yüksək səviyyədə keçirildiyini vurğulayıb.