Bakıda Qoşulmama Hərəkatının gənclər qolunun sammiti keçiriləcək

BMT Azərbaycanla əməkdaşlığa böyük önəm verir.

Ahlibeyt.az-ın Realtv-yə istinadən bunu BMT Baş Assambleyasının 76-cı sessiyasının prezidenti Abdulla Şahid ADA Universitetində Qoşulmama Hərəkatının gənclər şəbəkəsinin üzvləri ilə interaktiv müzakirələr çərçivəsində jurnalistlərə açıqlamsında deyib:

“Azərbaycan çoxtərəfliliyə sadiqdir, ölkə BMT-yə üzv olduğu son 30 ildə BMT Təhlükəsizlik Şurasının qeyri-daimi üzvü olub, həmçinin İqtisadi və Sosial Şuraya üzv seçilib. Azərbaycan Qoşulmama Hərəkatına sədrlik edir və Prezident İlham Əliyevin rəhbərliyi altında Azərbaycan pandemiya dövründə təşəbbüslərlə çıxış edib. Bu gün Azərbaycanda olmağıma, burda gördüyüm inkişafa şadam. Xarici işlər naziri, Milli Məclisin sədri və rəhbərlik tərəfindən qəbul olunmağıma, keçirdiyim görüşlərə görə də şadam. Azərbaycan xalqına regionda sülh və sadiqliyə göstərdiyi töhfəyə görə təşəkkür edirəm”.

RELA TV-nin Azərbaycan-Ermənistan arasında sülh prosesi ilə bağlı sualını cavablandıran Baş Assmbleyanın prezidenti regionda təhlükəsizliyin təmin olunması baxımından tezliklə sülh sazişinin bağlanması üçün edilən cəhdlərin əhəmiyyətini vurğulayıb:

“BMT hər zaman Ermənistan və Azərbaycan arasında münaqişənin sülh yolu ilə həllini təbliğ və təşviq edib. Mən hər iki tərəfin, Ermənistan və Azərbaycanın məsələnin sülh yolu ilə həlli istiqamətində inkişaf etməkdə olan təmaslarından təsirləndim”.

Qoşulmama Hərəkatının gənclər şəbəkəsinin üzvləri ilə interaktiv müzakirələr çıxış edən xarici işlər nazirnin müavini Elnur Məmmədov vurğulayıb ki, gənclər qlobal inkişaf hədəflərinə nail olunmasında vacib rol oynayır və onların üçün elm, təhsil və başqa sahələrdə gənclərə əlverişli imkanların yaradılması vacib məsələlərdəndir:

“Dünyanın hər yerində gənclər ölkələrinin ictimai həyatlarında fəal iştirak edirlər. Gələcək gənclərindir. Onlar öz bacarıqları və çalışqanlıqları ilə dövlətimizin inkişafına böyük töhfələr verirlər. Azərbaycanda Qoşulmama Hərəkatının Gənclər Şəbəkəsi fəaliyyət göstərir və bu qurum vasitəsilə dünyanın hər yerindən gənclərlə ünsiyyət yaradılır. Bu ilin iyulunda Gənclər Şəbəkəsinin sammiti keçiriləcək”.

Görüş zamanı Abdulla Şahid Gənclər Şəbəkəsi iştirakçılarının BMT Baş Assambleyasının strukturu və fəaliyyəti haqqında suallarını da cavablandırıb.