“Azərbaycanda dini təhsil – mövcud durum və vəzifələr” mövzusunda müzakirə aparılıb

İyunun 13-də Azərbaycan Respublikası Milli Məclisi, Qafqaz Müsəlmanları İdarəsi Dini Qurumlarla İş üzrə Dövlət Komitəsi və Azərbaycan İlahiyyat İnstitutunun (Aİİ) təşkilatçılığı ilə “Azərbaycanda dini təhsil – mövcud durum və vəzifələr” mövzusunda konfrans keçirilib.

Ahlibeyt.az AZƏRTAC-a istinadən xəbər verir ki, açılış mərasimində çıxış edən Aİİ rektoru Aqil Şirinov müasir Azərbaycanda dövlət-din münasibətlərinin sağlam təməllər üzərində qurulmasının və inkişafının ulu öndər Heydər Əliyevin adı ilə bağlı olduğunu deyib: “Bu sahədə ulu öndər Heydər Əliyevin yaratdığı müdrik siyasi-mənəvi xətt Prezident İlham Əliyev tərəfindən bu gün uğurla davam etdirilir, Azərbaycan bütün sahələrdə olduğu kimi din sahəsində də nümunəvi ölkəyə çevrilib”.

Tədbirdə Milli Məclisin İctimai birliklər və dini qurumlar komitəsinin sədri Fəzail İbrahimli, Dini Qurumlarla İş üzrə Dövlət Komitəsinin sədri Mübariz Qurbanlı və başqaları mövzu ilə bağlı çıxış ediblər.