Rusiya sülhməramlı hissəsinin hərbi qüvvələri atəşkəsə və Dağlıq Qarabağ münaqişəsi zonasındakı hərbi əməliyyatlara nəzarət etmək üçün tapşırıqları yerinə yetirəcəkləri əraziyə yollanıblar.

Ahlibeyt.az  xəbər verir ki, bu barədə Rusiyanın Müdafiə Nazirliyi bildirib.

“Hərbi kolonlar 250 km-dən çox yol qət etməli və Dağlıq Qarabağdakı təmas xətti boyunca, eləcə də Laçın dəhlizi boyunca Rusiya müşahidə postlarının yaradılması üçün sülhməramlı kontingent yerləşdirməlidir”, - deyə nazirliyin məlumatda qeyd edilir.

Qeyd edək ki, artıq 400 dən çox rusiyalı sülhməramlılar Ulyanovs hərbi limanından yola salınıb.

Xatırladaq ki, Azərbaycan, Ermənistan və Rusiya arasında imzalanın müqavilənin şərtlərinə görə, Dağlıq Qarabağda təmas xətti və Laçın dəhlizi boyu Rusiya Federasiyasının 1960 sayda odlu silahlı hərbi qulluqçusundan, 90 hərbi zirehli texnika, 380 ədəd avtomobil və xüsusi texnikadan ibarət sülhməramlı kontingenti yerləşdirililməsi nəzərdə tutulub.