Separatçıların lideri: “Azərbaycan ordusu Şuşanın 5 kilometrliyindədir”…

Ermənistan Respublikası silahlı qüvvələrinin sentyabrın 27-də törətdiyi növbəti hərbi təxribata cavab olaraq, Azərbaycan Silahlı Qüvvələri əks-hücum əməliyyatlarına başlamış və Azərbaycan ordusu uğurla əzəli torpaqlarımızı düşmən tapdağından azad etməkdədir.

Ahlibeyt.az-ın məlumatına görə, Azərbaycanın işğal edilmiş torpaqlarında qurulmuş qondarma Dağlıq Qarabağ rejiminin “prezidenti” 29 oktyabr gecə saatlarında videomüraciət yayaraq Azərbaycan Ordusunun Şuşanın ən uzağı 5 kilometrliyində olduğunu açıqlayıb.

Arayik Harutyunyan deyib ki, Azərbaycan ordusu Şuşa istiqamətində çox ciddi qüvvələr cəmləyib.

Dağlıq Qarabağdakı separatçıların lideri əvvəlki ritorikasından əl çəkərək məğlubiyyətlərinin qaçılmaz olduğunu etiraf etməyə başlayıb.

Qeyd edək ki, Ermənistan rəhbərliyi daha əvvəl erməni silahlı birləşmələrinin Azərbaycanın işğal olunmuş ərazilərindən qaçmasını "taktiki geriçəkilmə" kimi əsaslandırmışdı.