Darul Hikmət Elm və Tədris Mərkəzi virtual sistemi tətbiq edərək geniş imkanlar yaradıb.

Ahlibeyt.az-ın məlumatına görə,bu barədə Tədris mərkəzinin veb-saytında məlumat verilib.

Məlumatda bildirilir:

Əziz tələbələr!!!

Darul Hikmət Elm və Tədris Mərkəzi virtual sistemi tətbiq edərək, sizin üçün geniş imkanlar yaratdı. Bu sistem sayəsində rahatlıqla dərslərimizdən faydalanma imkanını əldə edəcəksiniz.
Qeyd edək ki, tədris ili 2020-ci ilin sentyabrından 2021-ci ilin may ayınadək olan dövrü əhatə edəcək.
Tələbələrimiz ya canlı şəkildə keçiriləcək SİNXRON dərslərdən, ya da tələbələrin şəxsi kabinetlərinə hazır video fayl şəklində yüklənmiş ASİNXRON dərslərdən faydalana biləcəklər.

ASİNXRON DƏRSLƏR

Asinxron dərslər Darul Hikmət Elm və Tədris Mərkəzinin tələbələri üçün hazırlanmış xüsusi PORTALda hər tələbə üçün yaradılacaq şəxsi kabinetə, hər həftə yüklənməklə tələbələrin ixtiyarına veriləcək. Bu sistemi seçən tələbələr dərsləri istədiyi zaman izləyə bilmək imkanı əldə edəcəklər.
Bir qeydi nəzərinizə çatdırırıq ki, rahatlığı təmin etməklə yanaşı, tələbələrin dərslərə qarşı ciddiyyəti də bizlər üçün çox mühümdür. Bu səbəbdən dərsləri ÖDƏNİŞLİ əsaslarla etdik. Asinxron dərslərin dinləyiciləri hər seçilən dərsə görə aylıq 10 manat ödəniş etməklə dərslərdən faydalana biləcəklər. Həmçinin imtahan nəticələri müsbət olan tələbələr il boyu ödədikləri ödənişləri tam olaraq geri almaq fürsətinə malik olacaqlar.

 

Darul Hikmət Elm və Tədris Mərkəzində 2020/2021-ci il tədris ilində aşağıdakı fənlər üzrə ASİNXRON dərslər keçiriləcək:

 

- Əqaid (İslam etiqadının əsasları) Elşən İsmayılov
- Əxlaq elminin əsasları Elşən İsmayılov
- Quran elmləri (Quranla tanışlıq) Təbriz Qasımov
- İslam tarixi Şahlar Şərifov
- Fiqh (İslam şəriəti) Elbrus Kərimov
- Məntiq Elbrus Kərimov
- İslam fəlsəfəsi Vaqif Quliyev
- Yeni kəlam elmi (Din fəlsəfəsi, Müasir teologiya) Vaqif Quliyev
- Qərb fəlsəfəsi və tarixi Vaqif Quliyev
- Əxlaq fəlsəfəsi Emin İmanlı
- Epistimologiya (İdrak nəzəriyyəsi) Emin İmanlı

 

ASİNXRON dərslərin qeydiyyatı üçün bu linkə daxil olun:  QEYDİYYAT LİNKİ

SİNXRON DƏRSLƏR

Sinxron dərs sistemini seçmiş tələbələrə isə dərslər öncədən təyin olunmuş dərs saatında müvafiq proqram təminatı vasitəsilə (zoom proqramı) canlı keçiriləcək. Sinxron dərslərin iştirakçıları seçdikləri dərslərin sayından asılı olmayaraq bütün dərslərdə iştirak etmək üçün aylıq 10 manat ödəniş etməlidirlər. Ödənişlərin qaytarılması şərti isə sinxron dərslərin tələbələrinə şamil edilmir.

 

Darul Hikmət Elm və Tədris Mərkəzində 2020/2021-ci il tədris ilində aşağıdakı fənlər üzrə SİNXRON dərslər keçiriləcək:

 

- Quran qiraəti
- Quran anlama (Quranın tərcüməsi)
- İslam tarixi
- Dinlər tarixi
- Fiqh (İslam şəriəti)
- Psixologiya

 

SİNXRON dərslərin qeydiyyatı üçün bu linkə daxil olun: QEYDİYYAT LİNKİ

Sinxron dərslər üçün son qeydiyyat tarixi 10.09.2020

 

Qeyd: Sinxron dərslərdən bəylər və xanımlar ayrı-ayrı qruplarda faydalanacaqlar.

 

Daha ətraflı məlumatı üçün http://darulhikmet.az saytından, həmçinin aşağıdakı nömrələrdən əldə edə bilərsiniz:

 

0124086336

0775281483