|
Talassemiya və hemofiliya xəstəliyindən əziyyət çəkənlər üçün “Könüllü donor” aksiyasına start verilirKoronavirus (COVİD-19) qlobal pandemiyası ilə əlaqədar olaraq yaranan qan qıtlığı Azərbaycanda talassemiya və hemofiliya xəstəliyindən əziyyət çəkən, təcili əməliyyata ehtiyacı olan şəxslər üçün həyat riskinə səbəb olmaqdadır. Ahlibeyt.az-ın Azərbaycan Könüllülərinin Əlaqələndirmə Mərkəzi və Milli Hematologiya və Transfuziologiya Mərkəzinə istinadən verdiyi xəbərə görə, bu günlərdə sağlam insanların həmrəylik nümayiş etdirib qana ehtiyacı olan xəstələrə, xüsusən də uşaqlara yardım etmələri, damarlarında axan qanı hədiyyə etmələri vacibdir. Könüllülərin üzərinə də bu işdə böyük missiya düşür. Bununla əlaqədar, Azərbaycan Könüllülərinin Əlaqələndirmə Mərkəzi və Milli Hematologiya və Transfuziologiya Mərkəzi – Qan Bankı tərəfindən “Könüllü donor” aksiyasına start verilir. Bu çərçivədə, Qan Bankının paytaxt və regionlarda yerləşən bölmələrinə könüllülər tərəfindən qan verilməsi nəzərdə tutulur. Qeyd edək ki, koronavirus infeksiyasının qan köçürülməsi ilə ötürülə biləcəyinə dair heç bir məlumat və ya sübut yoxdur. Dünyada koronavirus da daxil olmaqla hər hansı bir tənəffüs virusuna qanla yoluxma hallarına rast gəlinməyib. Qan bağışlamaq tam təhlükəsiz bir prosesdir, donor olmaqdan çəkinmə!
Saytın materiallarından istifadə edərkən istinad vacibdir!
10 Aprel, 2020 10:45 ⁄ Çap
Bu bölmədə9 Aprel, 2024 Ramazan Bayramınız Mübarək8 Aprel, 2024 Medianın İnkişafı Agentliyi və Dövlət Təhlükəsizliyi Xidməti vətəndaşları əsassız informasiyalara inanmamağa çağırıb8 Aprel, 2024 Ramazan bayramının namaz vaxtı açıqlanıb |
Xəbər lenti
8 Aprel, 2024 18:25
8 Aprel, 2024 18:04
|
© 2024 .Bütün hüquqlar qorunub. Saytın materiallarından istifadə edərkən istinad vacibdir! |