Myanma məhkəməsi “Reuters” agentliyinin iki jurnalistini 7 il müddətinə azadlıqdan məhrum edib.

Ahlibeyt.az-ın Euronews-a istinadən verdiyi xəbərə görə, jurnalistlər dövlət sirrinin yayılması haqqında qanunu pozmaqda təqsirli biliniblər.

Həbs olunan  jurnalistlər 2017-ci il dekabrın 12-də saxlanılıblar. Onlardan biri 2016-cı ilin iyunundan, o biri isə 2017-ci ilin sentyabrından agentlikdə işləyirmiş.

Hər iki reportyor Rakhayn əyalətində müsəlmanlara edilən hücumlarla bağlı araşdırma apararaq materiallarən hazırlayırmış.

Məlumata görə, jurnalistlər yüksək rütbəli polis əməkdaşları ilə əlaqəyə girərək Rakhin əyalətində polis və hərbçilər tərəfindən törədilən qətliamlar haqqında hazırlanmış dövlət hesabatlarını əldə edərək yayımlayıblar.

Qeyd edək ki, BMT Myanma hakimiyyətini müsəmanlara qarşı soyqırımda ittiham edib. Bu cinayət nəticəsində 10 mindən çox müsəlman qətlə yetirilib.