6 Fevral, 2018
Qəbələ “İslam dünyasının turizm paytaxtı” ola bilər

“Qəbələ şəhəri "İslam dünyasının turizm paytaxtı" adına namizəddir.

Bu barədə Trend-ə İslam Əməkdaşlıq Təşkilatından (İƏT) məlumat verilib.

Dəkkədə İƏT-ə üzv ölkələrin turizm nazirlərinin X konfransının yekunlarına əsasən, 2019 və 2020-ci illərin "İslam dünyasının turizm paytaxtları" seçiləcək.

Bu ad uğrunda namizədlər arasında Qəbələ ilə yanaşı, Dəkkə (Banqladeş), Paraku (Benin) və Aqades (Niger) şəhərləri də yer alıb.

Sözügedən konfrans fevralın 6-da Banqladeş paytaxtı Dəkkədə keçiriləcək. İslam dünyasının turizm paytaxtlarının birində İslam ticarət yarmarkası təşkil olunacaq.

Qeyd edək ki, 2016-cı ildə İslam dünyasının turizm paytaxtı Konya, 2017-ci ildə Mədinə, 2018-ci il üçün Təbriz şəhərləri elan olunub.

 

 

Bütün hüquqlar qorunur  ©  Əhlibeyt

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!

http://ahlibeyt.az/news/a-8053.html