Peyğəmbəri-Əkrəm (c) buyurmuşdur: "Hər bir dəstənin camaat namazının imamı onların Allah dərgahındakı nümayəndəsidir. Belə isə, öz namazınızın imamı üçün ən yaxşılarınızı seçin."
"Biharul-ənvar" /88/109.
Peyğəmbəri-Əkrəm (c) buyurmuşdur: "İnsanın camaatla namaz qılması öz evində (tək-tənha) qıldığı qırx illik namazdan yaxşıdır. Allahın Rəsulundan "bir günün namazımı?" – deyə soruşulduqda, o həzrət buyurdu: "(Xeyr!) Yalnız bir namaz. (Yəni camaatla qılınan bir namaz tək-tənha qılınan qırx illik namazdan fəzilətlidir.)"
"Vəsailuş-şiə" /5/374.
Peyğəmbəri-Əkrəm (c) buyurmuşdur: "Mənim nəzərimdə sübh namazını camaatla qılmağım, gecəni sübhə qədər oyaq qalıb ibadətlə məşğul olmaqdan daha sevimlidir."
"Kənzül-ümmal", 8-ci cild, hədis: 22792.
Peyğəmbəri-Əkrəm (c) buyurmuşdur: "Hər kəs alimə iqtida edib namaz qılsa, sanki Allahın Rəsuluna iqtida edib onun arxasında namaz qılmışdır."
"Vəsailuş-şiə" /5/387.
Peyğəmbəri-Əkrəm (c) buyurmuşdur: "Sizdən camaat namazında iştirak etməyən bir şəxs haqqında soruşsalar, deyin ki, onu tanımıram!"
"Biharul-ənvar" /88/5.
İmam Əli (ə) buyurmuşdur: "Bir camaat namazından sonrakı camaat namazına qədər, namazı camaatla qılmaq üçün intizar çəkmək bütün günahların kəffarəsidir."
"Camiu əhadisiş-şiə" /6/388.
İmam Sadiq (ə) buyurmuşdur: "Hər kəs müsəlmanların dəstəsindən bir qarış belə uzaqlaşsa, şübhəsiz ki, iman ipini boynundan çıxraraq kənara atmışdır."
"Biharul-ənvar" /88/13.
İmam Baqir (ə) buyurmuşdur: "Hər kəs rəğbətsizlik üzündən və üzürlü səbəbi olmadan müsəlmanların dəstəsi sayılan camaat namazını tərk etsə, onun namazı qəbul deyildir."
"Əmaliyi Şeyx Səduq" /290.
Peyğəmbəri-Əkrəm (c) buyurmuşdur: "Camaat namazına iltizamlı olan şəxsin qeybətini etmək müsəlmanlara haramdır və onun ədaləti sabitdir."
"Vəsailuş-şiə" /5/394.
"Peyğəmbəri-Əkrəm (c) buyurmuşdur: "Camaatla qılınan bir namaz fürada (tək-tənha) qılınan iyirmi beş namazdan üstün və fəzlətlidir."
"Vəsailuş-şiə" /5/374.
Peyğəmbəri-Əkrəm (c) buyurmuşdur: "Camaat namazı qılmaq üçün qədəm götürən elə bir mömin yoxdur ki, Allah-taala qiyamət gününün qorxusunu onun üçün yüngül tutmasın və sonra behiştə daxil olmağa əmr etməsin."
"Vəsailuş-şiə" /5/372.