İraq ordusu Mosulun Neynəva əyalətinin baş inzibati binasını İŞİD terror qruplaşmasından azad edib.
Ahlibeyt.az-ın Ria Novosti-yə istinadən verdiyi xəbərə görə, bu barədə ABŞ müdafiə nazirinin köməkçisi səlahiyyətlərini icra edən Eliza Slotkin açıqlama verərək bildirib
E.Slotkin bildirib ki, Neynəva əyalətinin əsas inzibati binası artıq terrorçulardan təmizlənib və admnistrasiya binası üzərində İraq bayrağı dalğalanır.
Bir qədər əvvəl yayılan məlumatlara görə, Mosul əməliyyatı çərçivəsində şəhərin şər istiqamətində yerləşən əyalət şurasının binası və universitet azad olunub.
Qeyd edək ki, Mosulun terrorçu İŞİD qruplaşmasından azad edilməsi əməliyyatı oktyabrın 17-də başlayıb. Əməliyyatda İraq ordusu, Kürd peşmərgə birləşmələri, yerli özünümüdafiə dəstələri və ABŞ-ın rəhbərliyi altında beynəlxalq hərbi-hava qüvvələri iştirak edir.
Xatırladaq ki, Mosul şəhəri 2014-cü ilin iyunundan İŞİD-in nəzarətinə keçib.