28 Sentyabr, 2016
Şeyxülislam: “Sərmayə gəlib burada dini qarşıdurma yaradacaqsa, lazım deyil”

Qafqaz Müsəlmanları İdarəsinin (QMİ) sədri, Şeyxülislam Hacı Allahşükür Paşazadə ölkəyə gələn turistlər və sərmayədarlar arasında dini və məzhəb ayrı-seçkiliyi yaratma təhlükəsindən narahatlığını bildirib.

Ahlibeyt.az-ın Apa-ya istinadən məlumatına görə, Şeyxülislam turizmlə bağlı qanuna, o cümlədən ölkəyə gələn səhmdarlarla bağlı qaydalara hörmətlə yanaşdıqlarını bildirərək deyib ki, bu məsələdə diqqətli olmaq lazımdır.

O qeyd edib ki, kimsə sərmayə qoymaq adı ilə gəlib, gizli şəkildə cərəyanını yayırsa, bu, məzhəb ayrı-seçkiliyinə səbəb olur: “Sərmayəni qoyur və ondan istifadə edərək möhkəmləndiyi yerdə öz fərqli dini baxışını yayır. Bütün bunlar məzhəb ayrı-seçkiliyinə səbəb olur və bu da sonda dini qarşıdurma yaradır. Bu gün silahlıların tüğyan etdiyi ölkələrdə proseslər elə belə başlayıb. Ona görə də o sərmayə gəlib burda dini qarşıdurma yaradacaqsa, lazım deyil”.

 

 

Bütün hüquqlar qorunur  ©  Əhlibeyt

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!

http://ahlibeyt.az/news/a-5725.html