Səudiyyə Ərəbistanında İmam Hüseyn Məscidinə edilən hücumdan sonra ötən gün ölkənin Dəmmam şəhərinin əhalisi kütləvi aksiya keçirib.

Ahlibeyt.az-ın Salamnews-a istinadən verdiyi xəbərə görə, Al Alam televiziya kanalının məlumatında bildirilir ki,aksiyada təkfirçilik və radikal vəhhabilik pislənilib, onları yayan fətvaların verilməyinə etiraz edilib, müxtəlif şüarlar səsləndirilib.

Aksiyaçılar yerli hökuməti islam dinində zorakılığa və terrora səsləyən addımların qarşısını almağa səsləyib.

Xatırladaq ki, ötən gün cümə namazı vaxtı Dəmmamda adıçəkilən məscidə edilən hücumda üç nəfər həlak olub, dörd nəfər xəsarət alıb.

“İslam Dövləti" (İŞİD) terror təşkilatı hücumla bağlı məsuliyyəti üzərinə götürüb, hətta hücumu təşkil edən kamikadzenin adının Əbu-Cəndəl əl-Cəzravi olduğunu açıqlayıb.