Bu gün Şaban ayının 5-i İmam Zeynəl Abidin (ə.) mövlud günüdür.

Bu mövlud münasibətilə başda Hz.Mehdi(ə.f) olmaqla bütün Əhli-Beyt(ə) aşiqlərini təbrik edirik.

Dördüncü imamımız Həzrət Əli ibn Hüseyn (ə) hicrətin 38-ci ilində (təqribən miladi 659-cu il) dünyaya göz açıb. İmamın məhşur ləqəbləri Səccad (çox səcdə edən) və Zeynul-abidin (abidlərin zinəti) olub. O Həzrət atası İmam Hüseyn (ə) Kərbəlada şəhid edildikdən sonra təqribən 21 yaşında ümmətə rəhbərlik etməyə başlayır. Imam Səccadın (ə) imamət dövründən imamaların (ə) tarixində yeni mərhələ başlayır. Kərbəla hadisəsindən sonra imamlarımız (ə) İslam maarifinin yayılması və cəmiyyətdəki fəsadla mübarizəyə başlayırlar. Bu baxımdan İmam Səccad (ə) olduqca ağır bir zəmanədə yaşamış, İslam tarixin ən dəhşətli hadisələrinin şahidi olmuşdur.