Baş Prokurorluğun təşkilatçılığı ilə “Media azadlığı və sosial şəbəkələrin güclənən təsiri şəraitində cəmiyyətin informasiya təhlükəsizliyinin təmin olunması” adlı işgüzar konfrans keçirilir.

Ahlibeyt.az “Qafqazinfo”ya istinadən xəbər verir ki, tədbirdə Baş prokuror Kamran Əliyev, MEDİA-nın rəhbəri Əhməd İsmayılov, millət vəkilləri, media qurumlarının rəhbərləri, ictimaiyyət nümayəndələri iştirak edir.

Tədbirdə çıxış edən Kamran Əliyev sosial şəbəkələrdə yayılan informasiyaların cəmiyyətin həyatına və dövlətin fəaliyyətinə təsirlərinin artdığını bildirib.

O qeyd edib ki, sosial şəbəkələrdə dövlət sirri, hərbi sirr hesab edilən informasiyaların dəqiqləşdirilmədən yayılması kimi hallara çox rast gəlinir. Baş prokuror bu məsələ ilə qanunvericiliyə müvafiq dəyişikliklərlə bağlı təkliflərin hazırlandığını da diqqətə çatdırıb.