23 İyun, 2022
VI Xəzər Sammitinin keçiriləcəyi tarix açıqlanıb

 

VI Xəzər Sammiti iyunun 29-da Türkmənistanın paytaxtı Aşqabad şəhərində keçiriləcək.

Ahlibeyt.az-ın xəbərinə görə, İyunun 28-də Türkmənistanın paytaxtında Xəzəryanı dövlətlərin XİN başçılarının müşavirəsi keçiriləcək.

Müşavirə iştirakçıları ayın 29-da keçiriləcək VI Xəzər Sammitinə hazırlıq məsələlərini müzakirə edəcəklər. Bu barədə çərşənbə günü RF XİN-in nümayəndəsi Mariya Zaxarova Moskvada keçirilən brifinqdə bildirib:

“Aşqabadda keçiriləcək XİN Şurasında Xəzərdə əməkdaşlıq və prezidentlərin qarşıda duran görüşünə hazırlıq çərçivəsində qarşılıqlı fəaliyyət məsələlərinin müzakirə ediləcəyi planlaşdırılır”.

Daha əvvəl tədbirin 2021-ci ildə keçirilməsi planlaşdırılsa da, sonradan bu tarix dəyişdirilmişdir.

Xatırladaq ki, Xəzəryanı ölkələrin liderlərinin bundan əvvəlki sammiti 2018-ci ildə Qazaxıstanın Aktau şəhərində keçirilib.

 

 

 

Bütün hüquqlar qorunur  ©  Ahlibeyt.az

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!

http://ahlibeyt.az/news/a-11447.html